നിഴല്‍……………………………

   

പകലുകളെ വല്ലാതെ ഭയന്ന് തുടങ്ങിയിരിക്കുന്നു.അവള്‍ നടത്തത്തിന്റെവേഗം കൂട്ടികൊണ്ട് തിരിഞ്ഞുനോക്കി അതെ ആ കറുത്തിരുണ്ടരൂപം തന്റെ തൊട്ടുപിന്നില്‍ തന്നെയുണ്ട്.ഇപ്പോഴും വ്യക്തമായികാണാന്‍ കഴിയുന്നില്ല.എന്തിനാണ് ഭയപ്പെടുത്തികൊണ്ട്‌ ആ രൂപം എന്നെ ഇങ്ങനെ പിന്‍‍തുടരുന്നത് ആരാണ് അത് ……………………..? 

ജന്നല്‍ പാളികള്‍ക്കിടയിലൂടെ കറുത്തിരുണ്ട ആ രൂപം തന്നെ  തേടി വരുന്നുണ്ടോ എന്ന് നോക്കി തീര്‍ക്കുന്ന  രാവുകള്‍ നയനങ്ങളിലെ നിദ്രയെ എന്നോമായ്ച്ചു കളഞ്ഞിരിക്കുന്നു. കാതുകള്‍ക്കുള്ളിലെ   ഒരായിരം ചീവീടുകളുടെ മൂളല്‍ ആ ഇരുണ്ട രൂപം തന്റെ തൊട്ടു പുറകില്‍ തന്നെ ഉണ്ടെന്ന്‍ ഓര്‍മ്മപ്പെടുത്തുന്നു . എങ്ങനെയാണു എനിക്കിതില്‍നിന്ന്‍ ഒന്ന് രക്ഷപെടാന്‍ ‍പറ്റുക?. രാത്രികള്‍ അത് അവസാനിക്കാതെ ഇരുന്നെങ്കില്‍... ഈശ്വരാ.........നേരം പുലര്‍ന്നിരിക്കുന്നു. മോളെ കതകു തുറക്ക് .....നിന്നോട് കതക് തുറക്കാനാ പറഞ്ഞത് ....അല്ലേല്‍ ഇത് ചവിട്ടിപൊളിക്കും . അമ്മയുടെ ആ വിളിയൊച്ച ഒരായിരം കൊള്ളിമീനുകള്‍ തലക്കുള്ളില്‍ പായിച്ചു. എനിക്കിനി ആരില്‍ നിന്നും രക്ഷപ്പെടാന്‍കഴിയില്ല. എന്നെ ഭയപ്പെടുതികൊണ്ടിരിക്കുന്ന ആ കറുത്തിരുണ്ട രൂപത്തെ മറ്റാര്‍ക്കും കാട്ടി കൊടുക്കാന്‍ എനിക്കിതുവരെ കഴിഞ്ഞിട്ടുമില്ല.എനിക്ക് ഭ്രാന്താനത്രേ...ഭ്രാന്ത്. ഇല്ല എനിക്ക് രക്ഷപ്പെടണം………

 

തനിക്കുപിന്നില്‍ പതിയിരുന്നു തന്നെ ശ്വാസം മുട്ടിക്കുന്ന ആ കറുത്തിരുണ്ട രൂപത്തില്നിന്നു രക്ഷപ്പെടാനായി അവള്‍ ‍കയര്‍ കഴുത്തില്‍‍ മുറുക്കി താഴേക്ക്‌ ചാടി....കാലുകള്‍ കൂട്ടിത്തിരുമ്മി,പ്രാണനുവേണ്ടിപിടയ്ക്കുമ്പോഴും തന്നെപോലെ തനിക്കുപിന്നില്‍ പിടച്ചുകൊണ്ടിരിക്കുന്ന ആ കറുത്തിരുണ്ട രൂപം തന്റെ നിഴല്‍ തന്നെ ആയിരുന്നു എന്ന് അപ്പോഴും അവള്‍ ‍ തിരിച്ചറിഞ്ഞിരുന്നില്ല ………………………………

                     R Z L A   S A H I R